以為呢本地圖要十二月十幾號先出，冇諗過佢會咁早出的。頭先響某書店見到，睇左一陣。
 



八號幹線佢都畫得幾好，冇萬里果d 缺點。

牛頭角佐敦谷彩盈村佢都有, 又有寫埋村名。

創紀六期佢又有，將軍澳首都佢都有 (但只係寫首都而冇畫到d 樓同樓名，暫時未見有一本地圖有詳細畫到)，當然亦有天晴村同各座大廈名稱。

兩鐵合併後，佢都識得改返做港鐵，都有車費價目表，但個車費價目表同以前兩鐵未合併一樣，即係分開左做地鐵既同九鐵既 (但價錢睇落似合併後價錢)，冇九鐵站搭去地鐵站既價錢 (我諗要整既話要用兩頁篇幅)。另外，合併後美孚站西鐵線果邊出口改左編號，但佢仲係用舊編號。

要彈既係佢小巴線唔夠新，九龍區冇82同82M。

呢本野賣六十蚊, 隨書附送北京市地圖（質素冇通用香港／深圳地圖好）同埋三十蚊買書卷 (估計係買佢本第四版香港乘車指南)。我估有d 樓上書店會有折，當然去聯合出版集團既書店度買係唔會有折啦。

P.S.通用圖書有限公司網站: http://www.up.com.hk 但佢冇呢本地圖既資料，所以上面幅圖係響大眾書店網站度link既。

十二月七日按：結果響旺角樂文書店買，九折，五十四元正