一年一度的渣打書節，今年11月8日至11日在維多利亞公園舉行。今年移師到維園中央草地舉行，亦加設唔少綠色/大自然元素。

相關網址: http://www.bookfestival.hk/main.html



今日趁返學前抽空去左維園睇下。記得有一年舉辦時遇正落雨天，但今日天氣唔錯。我好鍾意今年既場地，雖然只得二十幾檔，而且好多都係響香港有分店的，但感覺唔錯。最正既係可以坐響草地上睇書。能夠響接近大自然既地方睇書，點都好過響室內冷氣場所睇書啦。嫌太陽曬的可以去「青青大地悅讀營」果邊，響帳篷下睇書。

另外仲有英語營。

「我的書架」有幾張梳化(沙發)畀讀者使用。

設計思有「羊愛狼」活動，畀遊客寫羊同狼相愛後會點樣。我諗起梅艷芳一首歌，歌名係《愛上狼的羊》。

肚餓既可以去悅讀茶座度食蛋撻同餅。

睇完之後我去天后QQ便利店食左一串牛柳串燒後就搭地鐵返學了。