終於都開始勘測了。呢兩項工程將會一併進行。

相關網址: http://www.central-kowloon-route.com.hk/index_b5.html
路政署網頁: http://www.hyd.gov.hk/chi/major/road/projects/6461th/index.htm (中九龍幹線) 及 http://www.hyd.gov.hk/chi/major/road/projects/6803th/index.htm (加士居道天橋擴闊工程)



睇圖，中九龍幹線主要由一條雙程三線隧道組成，由油麻地填海區通往啟德跑道，中途不設出入口，唔知通風口響邊。呢條幹道響土瓜灣區冇出入口，有D可惜，因為土瓜灣同紅磡出油麻地主要經過漆咸道北同加士居道，而呢D位隨時畀加士居道天橋及紅隧塞車影響。因為係地下隧道關係，所以中九龍幹線應該對區內環境影響不大。

而加士居道天橋擴闊工程就係將現時由衛理道至渡船街一段天橋由單線雙程擴闊為雙線雙程天橋，取消加士居道往油麻地方向落加士居道既出口，而另外加建一個落佐敦道既出口。原本的工程係會拆除油麻地警署、天橋下面既玉石市場，同埋九龍政府合署大樓(包括停車場、圖書館、九龍中央郵局)，但以現時既社會環境，我估油麻地警署同玉石市場未必可以拆走。睇走線可能響工程期間會對榕樹頭有影響。

P.S.現時政府唔少主要工程都會聘請獨立顧問公司收集民意，今次都唔例外，第一階段諮詢將於2007年11月10日星期六響油麻地梁顯利社區中心 (加士居道天橋旁) 舉行，詳情請看 http://www.hyd.gov.hk/chi/home/doc/CKR%20and%20You%20Forum%20poster.pdf