真係佩服作者可以去參觀芬蘭既學校，研究佢地既教科書。更加佩服芬蘭既教育做得好好。
芬蘭既數學書除左教數學外，仲有好多唔同既野。作者搵左一本三年班既數學書，揭到一頁教減法的，係各地建築高度比較，圖文並茂咁畫出馬來西亞吉隆坡雙子塔、法國巴黎鐵塔、高雄Asia Plaza (老實講，唔睇呢本書我都唔知有呢幢2008年先起好既建築，但芬蘭小學生竟然響小三就知 Orz) 、芬蘭鐵塔、埃及金字塔 (字太細，我唔知係邊個，作者亦唔知) ，以及多倫多CN塔，總共佔版面2/5；同一本書第廿八頁似乎係教分數的，全版總共有十個國家／地區（烏克蘭、愛爾蘭、毛里求斯、尼日利亞、利比亞、波蘭、法國、秘魯、哥倫比亞及台灣）既旗，係要小學生計某種顏色佔支旗既幾分之幾。仲有好多其他例子可以睇到芬蘭數學教育同國際地理知識結合。由此可以睇到芬蘭人自少就培養出國際視野。
作者另外要講既係芬蘭課室。香港同台灣的課室，坐位都係一行行排列的，而芬蘭的係幾張圓檯，小朋友圍住圓檯坐，而上堂時除左教師講解外仲有一個教學助理幫手！響香港，一個教師要照顧三十幾人（我讀書時係四十人一班！），又點可以妥善照顧每一位學生呢？（所以我都唔明點解唔推行小班教學）
另外有個小插曲：作者想買幾本教科書返台灣，但，因為教科書改版，新書仲未上市，芬蘭人唔想賣舊版「呃人」，所以書店堅持唔賣。由此可以睇到芬蘭人既誠信。以前香港都有好多呢d 舖頭，但而家呢？要搵有誠信既舖頭已經好難了。（除非你同佢熟）
相關文章:
芬蘭驚艷 (一) : http://jpoon.mocasting.com/p/140049
芬蘭驚艷 (二) : http://jpoon.mocasting.com/p/140108
(0)