今次講既係洗手間。

咪以為洗手間冇野，其實有好多你肉眼睇唔到既野！

根據Rentokil Initial的研究 (http://www.ri-research.com/hygiene/healthcare/wlitw/hazards/frameset.htm)　洗手間最多細菌既設施分別係尿兜、坐廁板、廁所沖水邊緣及廁格地板，其中尿兜含菌量達九成！我見過有設計差既尿兜同坐廁，沖水時會有部份廁所水濺出，所以使用坐廁後，沖廁時最好先蓋好廁所板。

我留意到香港好多人去完廁所都唔洗手，所以洗手間門柄都係一個含菌量較高既地方。

另外，根據香港廁所協會於2005年進行的調查及研究(http://www.hktoilet.org/images/article/Best%20Toilet%20Criteria%20_Full%20Study%20Report1.pdf)，認為乾手機會將洗手間空氣的細菌吸入，再吹向使用者雙手，所以用乾手機乾手可能仲污糟，可惜唔係個個公眾洗手間都有提供廁紙。

良好既洗手間設計，可以減少使用者接觸細菌，可惜好多人都唔重視洗手間設計。