一向都對世界經濟有興趣。今日在apm三聯見到一本叫《錢進印度》既書
http://www.sanmin.com.tw/page-product.asp?pf_id=000535805，於是就睇下。



作者是德國記者，由２００３年起派駐印度。書中分析點解印度會崛起成為世界上第二大增長國家（第一係中國），亦有比較中國同印度。撇除作者對非民主體制國家既偏見，此書的確寫到印度最新情況，亦令我對甘地、尼赫魯同甘地夫人改觀（我唔知原來佢地唔識經濟的）其中作者講到中國人翻版嚴重，但印度人專重知識產權，所以好多資訊科技公司寧願響響印度投資，甚至好多德國公司響印度開設研發部，睇到我覺得有D羞恥。

此外，本書有講到印度既民主選舉情況，有村選舉候選人承諾送風扇，但最後失敗，原因係對手承諾送電視機。之後有一段作者訪問窮人，窮人話選舉係佢地既權利，究竟係得到禮物既權利定係選出好既候選人既權利呢？此外，班加羅爾作為印度資訊科技的重鎮，竟然遭受原住民反對，原住民除左要求將班加羅爾呢個英國殖民地時代就有既名稱改做印度名外，仲要求趕走班加羅爾居民，話佢地霸佔左原住民既地；孟買市居民一直要求改善市內設施，但因為市外居民反對所以不能在市議會通過有關措施等等，睇黎印度既民主法制仲有好多地方要改善。

書中只係響最尾「附錄」度講印度面對既困難，我覺得有D 可惜，但其實響本書唔少地方都有講印度面對既困難。

P.S.明明今日響三聯睇，但上三聯同商務網頁都搵唔到本書，可能因為本書太新，未入得切電腦卦？