今次要講既係升降機。

咪以為升降機好安全。舊式大廈中升降機故障係好平常的，而工廠區同商場內的貨運升降機，因為好多工人會搵野攝住度門，攝下攝下會整壞度門。萬一咁唔好彩搭搭下壞lift，行到差唔多最高既層數先黎困lift，咁就真係慘了。

行雷閃電時，如果打中附近變壓站，亦會影響到升降機的。理論上升降機有保護裝置，如果突然冇電佢會停去最近的一層然後唔行，但如果連續兩下跳電，升降機保護裝置有機會會發揮唔到的，所以行雷閃電時最好都係唔好搭升降機了。

最後當然要提醒的，就係火警時唔好搭電梯。雖然消防法例規定，升降機槽要符合防火要求，所以火勢理論上響一段時間內係唔會蔓延到升降機度，但火警發生時，良好的消防系統會令升降機停止自動運作，升降機停到某一層後會唔郁的；但某D 大廈可能會將消防系統同升降機訊號隔離，即係火警發生時升降機仲會運作，咁既時候會好危險，首先，煙會經升降機門走入升降機槽，所以升降機內可能會有煙，響升降機內可能會被焗死；第二，火警時有可能會影響大廈電力裝置，當升降機冇電時係會唔識郁的，到時真係叫天不應，叫地不聞了。

P.S.講起困lift我諗起內地經典網絡小說：趙趕驢電梯奇遇記 http://book.kanunu.cn/html/2006/1102/4333.html