旅遊/觀光 2007年12月18日
上星期日同朋友去左東平洲，之前冇去過的，冇諗過東平洲會咁正。
(閱讀全文)
(0)好多人去旅遊，可能因為想出外玩下、食下野、去購物。跟團可以唔駛安排好多野，有旅行社幫你安排。去既係商業味好濃既景點，食既係外地既中國菜，又或係適合香港人口味的食物，甚至可能要強制地去某d outlet/公司購物。
(閱讀全文)
旅遊/觀光 2007年09月05日
旅遊/觀光 2007年08月03日
今日行過青山公路青龍頭段，向海果邊以前係做卸泥沙既，而家種晒野，海邊用石矢躉封死晒，行唔到出海邊，有點可惜。我覺得人工綠化不及自然美。
(82947.jpg )
星期六去左深圳，搭地鐵時見到購物中心站開左一個新商場，所以去睇下。
呢個商場叫Coco Park，響深圳佢算係走中高檔路線了。佢最少有五層，B2係停車場，B1, L1-3係商場 (地下
係L1)，地盤大約係長方型，商場大約呈C 型，中間空既部分係B1公眾地方，有好多綠化地方，L2仲有觀景橋
有唔少名店，有部分係響香港見過既。B1有一部分係吉之島，但冇中信城市廣場果間咁大，L1有一邊做左酒吧街，L2有百老匯電影城，有部分電影比香港早上映, 例如變型金鋼早於七月十一日上映，而周杰倫新戲亦將於七月三十一日上映， 但戇豆果齣戲 (內地叫<<戇豆的黃金周>>) 就而家先上。L3係食肆區, 有露天茶座
P.S.而家佢搞緊展覽，有一部分好似係外國人玩文字，我見到有一個展品係玩香港地圖同上海地圖，佢將上海地名放入香港地圖度，而將香港地名放入上海地圖度，最搞笑係上海地鐵路線圖，佢將人名用黎做車站，有一條線係英國統治者名，但伊莉莎伯女皇二世之後係戴卓爾夫人，之後係馬卓安，之後係貝理雅；港督線仲搞笑，彭定康->董建華->曾蔭權->范徐麗泰->田北俊->李柱銘->劉慧卿->鄭經翰->梁國雄->余若薇，淫賤聯一個都冇，難得呢幅地圖又可以響深圳出現
PS2 我覺得Coco Park 設計上有少少似中信城市廣場
(閱讀全文)
| 1
