http://www.takemehome.com.hk/custom/KCRC/lokmachau-web-2007-08-24.html
PDF版: http://www.takemehome.com.hk/custom/KCRC/KCR_LokMaChow.pdf
我去拎呢本九鐵過境交通接駁指南，最主要係睇P8-P10講既深圳去其他城市既交通資料，都幾有用。
但我唔知邊個安排派發呢本野既，我都唔明佢個目標讀者群係邊班人：如果係搭開火車過關既，點解佢唔安排響鐵路沿線既七十一派。派發既七十一當中，香港島得七間，觀塘區得一間，其餘既係油尖旺區，我真係唔明佢想畀邊D 人睇，如果話係畀搭開皇崗巴士睇既人又唔似 ….
朗豪坊同香港青年藝術協會合作搞左個「I ♥ MK朗豪坊集體創作計劃」，頭先去左睇，感覺唔錯。
以前讀書時，中學響何文田，有時放左學都會落旺角，旺角畀我既印象係信和漫畫、好景電玩同埋旺電電腦。
你的旺角印象又係乜呢？
繼如心廣場開始招租後，荃新天地 Citywalk (萬景峰一期基座商場) 亦開始招租了。
如果一切順利，聖誕節前應該可以開幕，到時荃灣西應該會成為另一購物帶。
在某院校報讀物業管理課程，十二月時話一月交題目，四月公佈結果，結果等到尋日先收到信話題目OK同埋派左邊個導師黎。本來仲諗住趁六、七月得閒先搞，結果差唔多開學先知。唔知係間院校要等我地交左學費先批定係搵唔到人睇先咁遲了。
馬力死後，原本的立法會席位要進行補選了。民建聯似乎已經傾好數，但所謂民主派嘛，突然間走出一大班人出黎，呢個又話想參選，果個又話想參選，就算係老牌政黨亦有多人想參選，我覺得有D 似爭產咁 ….
就算係選一個議席都搞成咁，可想而知08年立法會選舉，情況會更加亂。
(0)